અમદાવાદ: ખોટા ડોક્યુમેન્ટનાં આધારે PSI બનવા કરાઈ એકેડમી પહોંચેલી યુવતીની અમદાવાદના વેજલપુરની ધારા જોશીની ગાંધીનગરની ડભોડા પોલીસે અટકાયત કરી હતી. મહત્વનું છે કે તાજેતરમાં લેવાયેલી PSIની ભરતીમાં પાસ થયેલા ઉમેદવારોની કરાઈ એકેટમી ખાતે ટ્રેનિંગ શરૂ કરવામાં આવી હતી. જેથી PSI બનવા માંગતી અમદાવાદની ધારા જોશી IPS વિકાસ સહાયની ખોટી સહીઓ કરી હતી તેમજ ખોટા ડોક્યુમેન્ટ તૈયાર કર્યા હતા.
કરાઈ પોલીસ એકેડમીના અધિકારીઓને જાણ થતાં પાસ થયેલા ઉમેદવારોનું લિસ્ટ ચેક કર્યું હતું. લિસ્ટમાં નામ ન હોવાથી અને હસ્ત લિખિત લેટરના કારણે શંકા ગઈ હતી. ડભોડા પોલીસે વેજલપુરની ધારા જોશી સામે ગુનો દાખલ કરી આગળની કાર્યવાહી હાથ ધરી હતી. કાર્યવાહીના અંતે શુક્રવારે ધારા જોશીની અટકાયત કરી છે.