અમદાવાદ: શહેર સ્વચ્છતા મામલે સૌથી અગ્રસેર રહે અને સ્વચ્છતા અંગે લોકોમાં જાગૃતિ આવે તે માટે AMC દ્વારા વિવિધ કાર્યક્રમ આયોજીત કરવામાં આવી રહ્યા છે. તેમ છતાં અનેક એકમો દ્વારા AMCના સ્વચ્છતા અભિયાનું ઉલ્લંઘન તેમજ સ્વચ્છતાના નિયમ વિરૂદ્ધ જઇ કામ કરનારા એકમો સામે AMC સોલિડ વેસ્ટ વિભાગ દ્વારા લાલ આંખ કરવામાં આવી છે. અમદાવાદ શહેરના ગોતા અને ઘાટલોડિયા વિસ્તારમાં આવેલા મહાદેવ પાન પાર્લર અને વિઝન આઇ એકમને AMC દ્વારા ગંદકી મુદ્દે સીલ કરાયું હતું.
પ્રાપ્ત વિગતો મુજબ AMCના સોલિડ વેસ્ટ વિભાગ દ્વારા જાહેર રસ્તા પર ગંદકી કરતા અને ન્યૂસન્સ કરતાં એકમ વિરુદ્ધ સખત કાર્યવાહી કરવામાં આવી રહી છે. ઉત્તર પશ્ચિમ ઝોનના તમામ વોર્ડમાં માર્ગો પર ગંદકી અને ન્યૂસન્સ કરતા ધંધાકીય એકમો તેમજ પાન ગલ્લા, ચાની કિટલી, પ્રતિબંધિત પ્લાસ્ટીકના ઉપયોગ, વેચાણ સંગ્રહ, ઉત્પાદન કરતા તથા ધંધાકીય એકમમાં ડસ્ટબિન ન રાખતા એકમો સામે અભિયાન રૂપી કાર્યવાહી ચાલી રહી છે. જીપીએમસી એક્ટ અને પબ્લિક હેલ્થ બાયલોઝ મુજબ સઘન કામગીરી અંતર્ગત ઉત્તર પશ્ચિમ ઝોનના જુદા-જુદા વોર્ડમાં મુખ્ય વિસ્તારમાં જાહેર માર્ગો પર ગંદકી અને ન્યુસન્સ કરતા ધંધાકીય એકમનો નોટિસ આપવામાં આવી હતી.
ઉતર પશ્ચિમ ઝોનમાં તમામ વોર્ડમાં જાહેરમાં કચરો નાખી ન્યૂસન્સ કરતા એકમો વિરૂદ્ધ કાયદેસરની કાર્યવાહી હાથ ધરવામાં આવી છે. એક જ દિવસમાં 86 જેટલા એકમો તપાસતા, આ પ્રકારના કૃત્ય બદલ 23 નોટિસો ઇસ્યુ કરી, 07 કિગ્રા પ્લાસ્ટીકનો જથ્થો જપ્ત કરી રૂપિયા 29 હજારનો દંડ વસૂલ કરવામાં આવ્યો છે. જાહેર રોડ પર કચરો નાખવા બદલ ગોતા વિસ્તારમાં આવેલા મહાદેવ પાન પાર્લર અને ઘાટલોડિયામાં આવેલા વિઝન આઇ એકમ સીલ કરાયું હતું. ઉતર પશ્ચિમ ઝોન સોલિડ વેસ્ટ વિભાગે જાહેરમાં ગંદકી કરનારા એકમ સામે જરૂરી દંડનીય કાર્યવાહી કરી છે. શહેરીજનોમાં સ્વાસ્થ્ય તેમજ આરોગ્ય સાથે ચેડાં કરતા તેમજ જાહેર રોડ પર ગંદકી કરતા ધંધાકીય એકમો સામે જાહેર આરોગ્યના ઉમદા હેતુસર આગામી દિવસમાં સખત પગલા લેવાની કાર્યવાહી ચાલુ રહેશે.
નોધનીય છે કે, AMCના સોલિડ વેસ્ટ વિભાગ દ્વારા કોર્મિશિલય એકમ હોય કે પછી રહેણાક એકમ હોય, ત્યાં જઇને જાહેર રસ્તા પર કચરો ન ફેંકવા અપીલ કરવામાં આવી હતી. શહેરમાં સ્વચ્છતા અભિયાન અંતર્ગત AMCસી દ્વારા ટ્રીગર ડ્રાઇવ શરૂ કરવામાં આવી હતી. જેમાં AMC ટીમ અને સ્થાનિક સંસ્થાઓ સાથે રાખી રેલીનું આયોજન કરાયુ હતું.