30.8 C
Gujarat
Sunday, July 14, 2024

વાડજનો ચોંકાવનારો કિસ્સો, યુવતીએ Insta પર ફ્રેન્ડ રિક્વેસ્ટ સ્વીકારી અને પછી શું થયું જાણો ?

Share

અમદાવાદ : આજકાલ લોકોમાં સોશિયલ મીડિયાનો ભારે ક્રેઝ જોવા મળી રહ્યો છે. જોકે, ક્યારેક સોશિયલ મીડિયા કેટલાક લોકો માટે લાભદાયી સાબિત થાય છે, તો કેટલાક લોકો માટે મુસીબતોનો પહાડ ઉભો કરી દે છે. આવો જ એક બનાવ શહેરના વાડજ વિસ્તારમાં બન્યો છે. એક યુવતીને સોશિયલ મીડિયા મારફતે યુવક સાથે મિત્રતા થઇ. આ મિત્રતા પ્રેમસંબંધમાં કેળવાઇ. પરંતુ કેટલાક સમય બાદ યુવતીને જાણવા મળ્યું હતું કે, યુવક પરિણીત છે. જેથી તેણે તેની સાથે વાતચીત કરવાનું બંધ કરી દીધું હતું. જેથી યુવકએ તેની સાથે સંબંધ રાખવા માટે દબાણ કરતાં અંતે યુવકના ત્રાસથી કંટાળીને અંતે યુવતીએ પોલીસ ફરિયાદ કરી છે.

પ્રાપ્ત રિપોર્ટ મુજબ વાડજ વિસ્તારમાં રહેતી એક યુવતીને એકાદ વર્ષ પહેલા ઇન્સ્ટાગ્રામ પર એક યુવકની ફ્રેન્ડ રિક્વેસ્ટ આવી હતી. યુવતીએ આ ફ્રેન્ડ રિક્વેસ્ટ એક્સેપ્ટ કરીને તેની પ્રોફાઇલમાં ફોટો જોતા જાણવા મળ્યું હતું કે, આ યુવક અગાઉ તેઓ જ્યાં રહેતા હતાં, ત્યાં રહેતો હતો. યુવતીએ અવારનવાર તેને જોયો હતો. જેથી તેણે ઇન્ટાગ્રામ યુવક સાથે વાતચીત કરવાનું ચાલું રાખ્યું હતું. બંન્નેએ બેથી ત્રણ મહિના સુધી ઇન્સ્ટાગ્રામ પર વાતચીત કરી હતી. ત્યાર બાદ યુવકએ તેના મોબાઇલ પરથી યુવતીને ફોન કરતાં તેઓ મોબાઇલ ફોનથી વાતચીત કરતા હતાં અને બંન્ને વચ્ચે પ્રેમસંબંધ બંધાયો હતો.

જોકે, કેટલાક સમય બાદ યુવતીને જાણવા મળ્યું હતું કે, યુવકના લગ્ન થઇ ગયા છે. જેથી યુવતીએ તેની સાથે વાતચીત કરતાં તેણે કહ્યું હતું કે, તેની પત્ની સાથે તેને છૂટાછેડા લેવાના છે અને ફરિયાદી યુવતી સાથે લગ્ન કરવાનો છે. પરંતુ તે તેની પત્નીને છૂટાછેડા આપતો ન હતો અને યુવતી સાથે ઠગાઇ કરતો હોવાની શંકા જતાં યુવતીએ તેની સાથે પ્રેમસંબંધ રાખવાની ના પાડી હતી. છતાં આરોપી યુવક યુવતી જ્યાં જાય ત્યાં તેની પાછળ પાછળ જતો હતો અને યુવતીને સંબંધ રાખવા માટે દબાણ કરતો હતો. જોકે, અંતે કંટાળીને યુવતીએ આ સમગ્ર બાબતની જાણ પોલીસને કરતાં પોલીસે ફરિયાદ દાખલ કરીને વધુ તપાસ શરૂ કરી છે.

Related Articles

LEAVE A REPLY

Please enter your comment!
Please enter your name here

Stay Connected

28,193FansLike
766FollowersFollow
291FollowersFollow
0SubscribersSubscribe
- Advertisement -

Latest Articles