અમદાવાદ: શહેરમાં રોજબરોજ વિચિત્ર ઘટનાઓ બની રહી છે. સગીરો પર બળાત્કાર થઈ રહ્યા છે ત્યાં હવે બાળકો પણ સુરક્ષિત નથી તેવું કહી શકાય. શહેરના પશ્ચિમ વિસ્તારમાં એક બાળક એકલો હતો ત્યારે પાડોશી વૃદ્ધ તેના ઘરે ઘુસ્યા હતા. બાદમાં આ વૃદ્ધે અશ્લીલ કૃત્ય કરી બાળક સાથે અડપલાં કર્યા હતાં. જ્યારે બાળકના માતા પિતા ઘરે આવ્યા ત્યારે વૃદ્ધ ઘરમાંથી બહાર આવતા મામલો સામે આવ્યો હતો.
પ્રાપ્ત રિપોર્ટ મુજબ રાણીપમાં માતા પિતા અને તેમનો 13 વર્ષનો દીકરો ભાડે રહેતા હતા અને જેમના 77 વર્ષના વૃદ્ધ પાડોશી હતા. માતા પિતા કામથી બહાર ગયા હતા ત્યારે 13 વર્ષનો દીકરો ઘરે એકલો હતો ત્યારે ત્યાં અચાનક તેમના પાડોશી વૃદ્ધ આવ્યા હતા. મકાન માલિકે ઘરમાં કોઈ ના હોવાથી એકલતાનો લાભ ઉઠાવીને બાળક સાથે સૌ પ્રથમ શારીરિક અડપલાં કર્યા હતા બાદમાં બાળક સાથે બીભત્સ વર્તન શરૂ કર્યું હતું. આ દરમિયાન બાળકના માતા પિતા પરત આવ્યા હતા ત્યારે વૃદ્ધ ઘરમાંથી ભાગતા ભાગતા બહાર નીકળ્યા હતા.
પરિવારને શક જતા ઘરમાં આવીને બાળકને પૂછયું ત્યારે બાળકે પરિવારને વૃદ્ધે કરેલ હરકતો અને તેના વર્તન અંગે જણાવ્યું હતું. જેથી બાળકની માતાએ તાત્કાલિક પોલીસને જાણ કરી હતી અને માતાએ વૃદ્ધ સામે ફરિયાદ નોંધાવી હતી.રાણીપ પોલીસે સમગ્ર મામલે વૃદ્ધ સામે પોકસો એક્ટ હેઠળ ફરિયાદ નોંધીને અટકાયત કરી છે.
