અમદાવાદ : અમદાવાદ શહેરના નરોડા વિસ્તારમાં આવેલી હોટલના રુમમાં એક અજાણ્યા યુવકે ઘુસીને પરિણીતાની છેડતી કરવાનો પ્રયત્ન કર્યા હોવાની ચોંકાવનારી ઘટના સામે આવી છે. હોટલનો રુમ રાખીને રહેવુ હોય તો માત્ર હોટલ વિશે જ નહીં પરંતુ હોટલના રુમની બારીઓને પણ અચુક ચેક કરજો. રુમનો દરવાજો ભલે લોક હોય પરંતુ કોઈ બારીમાંથી કૂદીને પણ ઘૂસી આવી શકે છે. આવો જ અનુભવ અમદાવાદના નરોડા વિસ્તારમાં એક કપલને થયો છે. યુવાન કપલ હોટલના રુમમાં રોકાયેલ હતુ, આ દરમિયાન એક યુવક બારીમાં થઈને રુમમાં ઘૂસીને યુવતીને છેડતી કરવા લાગ્યો હતો.
આ ડરામણી ઘટના અમદાવાદના નરોડા વિસ્તારની હોટલમાં બની છે. જ્યાં એક હોટલમાં પતિ પત્ની રાત્રિના સમયે રૂમમાં રોકાયા હતા. અચાનક હોટલના પાછળના ભાગમાંથી એક યુવક બારીથી રુમમાં ઘૂસી આવ્યો અને પરિણીત યુવતીની છેડતી કરી. જોકે યુવતીએ બૂમાબૂમ કરતા હોટલ સ્ટાફ અને તેના પતિએ આ યુવકને પકડી પાડ્યો હતો અને પોલીસને સોંપ્યો હતો. યુવતીએ પોલીસ મથકમાં યુવક વિરુદ્ધ ફરિયાદ નોંધાવી હતી.
નરોડા વિસ્તારમાં પોતાના માલિકીના ઘરમાં રહેતું એક દંપતી તેના ઘરમાં ફર્નિચર કામ શરૂ હોવાથી તેઓ નરોડા ટોલનાકા પાસે એક ખાનગી હોટલમાં રોકાયા હતા.હોટલમાં રાત્રિના સમયે મહિલાનો પતિ હોટલ નીચે નાસ્તો લેવા ગયો હતો, તે દરમિયાન પત્ની જ્યારે રૂમમાં એકલી હતી. ત્યારે હોટલની પાછળના ભાગમાં બારી પાસે અવાજ આવ્યો હતો. પત્ની બારી પાસે જતા કોઈ યુવક દેખાયો હતો અને તેણે બારી માથી રૂમમાં ઘૂસી યુવતીની છેડતી કરી હતી. જોકે યુવતીએ બૂમાબૂમ કરતા હોટલનો સ્ટાફ અને તેનો પતિ તાત્કાલિક દોડી આવ્યા હતા.