અમદાવાદ : અમદાવાદ કોર્પોરેશને (AMC) પર્યાવરણને નુકસાન પહોંચાડતી કન્સ્ટ્રકશન સાઈટ (Construction site) સામે લાલ આંખ કરી છે. અમદાવાદ શહેરમાં 41 જેટલી સાઈટ સીલ કરવામાં આવી છે. સૌથી વધુ પૂર્વ વિસ્તારમાં 25 સાઈટ સીલ કરવામાં આવી છે. સૌથી વધુ પૂર્વ ઝોનમાં 25, દક્ષિણ ઝોનમાં 6 સાઇટ સીલ કરવામાં આવી છે.
અમદાવાદના પર્યાવરણને નુકસાન થતું અટકાવવા માટે મ્યુનિસિપલ સરકાર દ્વારા તમામ 48 વોર્ડમાં ચાલતી કન્સ્ટ્રક્શન સાઇટ્સના ડેવલપરોને ગ્રીન નેટ લગાવવાની વારંવારની સૂચનાઓ છતાં બાંધકામ સાઈટ પર ગ્રીન નેટ સિવાય કોઈ બેરીકેડીંગ, સેફ્ટી નેટ વગેરે લગાવવામાં આવ્યા ન હોવાથી ગુરુવારે એક સાથે 41 બાંધકામ સાઇટ સીલ કરવામાં આવી હતી.પૂર્વ ઝોનમાં સૌથી વધુ 25 બાંધકામ સાઈટ સીલ કરવામાં આવી છે. સૌથી વધુ નિકોલમાં સાઈટ સીલ કરવામાં આવી છે. આ ઉપરાંત ઓઢવ,વિરાટનગર, હાથીજણ, મેમનગર, ઘુમામાં પણ સાઈટ સીલ કરી દેવામાં આવી છે.નિયમનું પાલન નહીં કરાતા કાર્યવાહી કરવામાં આવી છે.કન્સ્ટ્રક્શન સાઇટ દ્વારા પર્યાવરણને નુકસાન થતું હોવાથી કાર્યવાહી કરાઈ છે.
મ્યુનિસિપલ કમિશનર એમ. થેનારસને શહેરમાં બાંધકામની સાઈટ પર બાંધકામ દરમિયાન ઉડતી ધૂળ, કણો વગેરેને કારણે પર્યાવરણને નુકસાન થતું હોવાથી તમામ બાંધકામ સ્થળોએ ફરજિયાત ગ્રીન નેટ લગાવવાની સલાહ આપી છે.