અમદાવાદ : અમદાવાદમાં કન્સ્ટ્રકશન સાઈટ ઉપર ગ્રીનનેટ, બેરીકેટીંગ તથા સેફટીનેટ વગેરે ના રાખી પર્યાવરણને નુકસાન પહોંચાડતા ડેવલપર્સ અને બિલ્ડરો સામે AMC તંત્ર એકશન મોડમાં આવ્યુ છે. સતત બીજા દિવસે વધુ 25 કન્સ્ટ્રકશન સાઈટ સીલ કરવા ઉપરાંત દંડનીય કાર્યવાહી કરાઈ છે. ઉત્તરઝોનમાં ચાર બાંધકામ સાઈટ સીલ કરી રુપિયા 30 હજાર વહીવટી ચાર્જ વસુલ કરાયો હતો.
આ અગાઉ ગુરુવારે પણ પર્યાવરણને નુકસાન પહોંચાડનારી કન્સ્ટ્રકશન સાઈટ સામે કાર્યવાહી કરવાના ભાગરુપે 41 કન્સ્ટ્રકશન સાઈટ સીલ કરાઈ હતી.શુક્રવારે વધુ 25 કન્સ્ટ્રકશન સાઈટ નિયમોનુ પાલન નહી કરવા બદલ સીલ કરવામા આવી હતી.પૂર્વ ઝોનમાં સૌથી વધુ આઠ કન્સ્ટ્રકશન સાઈટ સીલ કરાઈ હતી.ઉત્તર-પશ્ચિમ, દક્ષિણ-પશ્ચિમ અને ઉત્તરઝોન દરેકમાં ચાર-ચાર તથા દક્ષિણ ઝોનમાં ત્રણ અને મધ્યઝોનમાં બે કન્સ્ટ્રકશન સાઈટ સીલ કરાઈ હતી.