નવી દિલ્હી : લોકસભા ચૂંટણીના પગલે અત્યારથી જ ભાજપ દ્વારા તૈયારીઓ આરંભી દેવામાં આવી છે. એક બાદ એક પાર્ટી મીટિંગ કરવામાં આવી રહી છે ત્યારે આ વખતની લોકસભાની ચૂંટણીઓ માટે BJP નું નવું સ્લોગન જાહેર કર્યું છે. “અબ કી બાર 400 પાર, તીસરી બાર મોદી સરકાર…”
મીડિયા રિપોર્ટ મુજબ મંગળવારે BJP ની એક મહત્વની એક બેઠક મળી હતી. જે દરમ્યાન લોકસભાની ચૂંટણીઓને લઈને નવો નારો આપ્યો છે જે મુજબ ભાજપ દ્વારા આ વખતે પોતાનું સ્લોગન ‘અબકી બાર 400 પાર, તીસરી બાર મોદી સરકાર’ અબ કી બાર 400 પાર, તીસરી બાર મોદી સરકાર સ્લોગન રખાયું છે. ટુંક જ સમયમાં તેની અધિકારીક જાહેરાત થઇ શકે છે. જો કે સુત્રો અનુસાર હાલ “સપને નહી હકીકત બુનતે હૈ, ઇસી લીયે સબ મોદી કો ચુનતે હૈ (सपने नहीं हकीकत बुनते हैं, इसलिए तो सब मोदी को चुनते हैं)” ના નારા વચ્ચે નેતાઓમાં મતમતાંતર છે.
તમને જણાવી દઈએ કે BJP હંમેશા પોતાના ક્રિએટીવ સ્લોગન દ્વારા લોકોનાં મનમાં છાપ છોડતું હોય છે. પછી તે અબકી બાર મોદી સરકાર હોય કે BJP નું અગ્રેસિવ કેમ્પેઇનિંગ ચાય પે ચર્ચા હોય કે પછી અબ કી બાર મોદી સરકાર હોય. પોતાના સ્લોગન દ્વારા તે સીધુ જ લોકોનાં મન મસ્તિષ્કમાં ઉતરી જાય છે.
BJP દ્વારા લોકસભાની તૈયારીઓ યુદ્ધના ધોરણે કરવામાં આવી રહી છે. PM મોદીથી માંડીને BJP હાઇકમાન્ડનાં તમામ ઉચ્ચ નેતાઓ પોતાને સોંપાયેલી જવાબદારી અનુસાર સતત પોતાના વિસ્તાર અને વિસ્તારના કાર્યકર્તાઓ સાથે સતત સંપર્કમાં છે. અન્ય પક્ષો હજી તૈયારીઓ કરવા અંગે વિચારી રહ્યા છે ત્યારે BJP પોતાની તૈયારીઓને આખરી ઓપ આપી ચુક્યું છે.
