નવી દિલ્હી : પશ્ચિમ બંગાળ, આસામ, તમિલનાડુ, કેરલમ અને પુડુચેરીની વિધાનસભાની ચૂંટણીઓના પરિણામો આજે 4 તારીખ સોમવારે જાહેર થવાનું શરૂ થઈ ગયું છે.. સવારે આઠ વાગ્યાથી મતગણતરી શરૂ કરી દેવામાં આવી છે. એવામાં સૌની નજર પશ્ચિમ બંગાળ પર છે, મમતા બેનરજીના ગઢ સમાન પશ્ચિમ બંગાળમાં ભાજપ શું પરિણામો લાવશે તે તમામ ઇવીએમ ખુલ્યા બાદ જ સામે આવશે.
પ.બંગાળમાં મમતા બેનરજીની પાર્ટી ટીએમસીનો સફાયો નક્કી દેખાઈ રહ્યો છે. ભાજપને વલણોમાં 188 બેઠકો પર લીડ મળતી દેખાઇ રહી છે. જ્યારે ટીએમસી ફક્ત 105 બેઠકમાં સમેટાઈ જતા દેખાઈ રહી છે.રાજ્યમાં પાર્ટીએ બહુમતીના આંકડાને પાર કરી લેતા ભાજપ કાર્યાલયની બહાર ઉજવણીનો માહોલ છે.
આસામમાં પણ ભાજપ સત્તામાં હેટ્રિક પૂર્ણ કરવાના માર્ગે આગળ વધી રહી છે. હાલમાં ભાજપ અહીં 99 બેઠક પર લીડમાં છે જે બહુમતીના આંકડાથી વધારે છે. જ્યારે કોંગ્રેસ ગઠબંધન 25 બેઠકોમાં સમેટાતું દેખાય છે.
તમિલનાડુમાં વિજયની પાર્ટી ટીવીકેએ સૌને ચોંકાવ્યા. હાલમાં ટીવીકે 106 બેઠક, ડીએમકે 47, એઆઈએડીએમકે 79 તથા અન્ય એક બેઠક પર આગળ છે. પુડ્ડચેરીમાં 30 બેઠકમાંથી 23 બેઠકના વલણ સામે આવ્યા છે. ભાજપ ગઠબંધન 13, કોંગ્રેસ 6 અને અન્ય 4 બેઠક પર આગળ છે.
કેરલમમાં કોંગ્રેસના નેતૃત્વ હેઠળના ગઠબંધન યુડીએફને 98 બેઠકો મળી છે. સત્તાધારી એલડીએફ 39 બેઠક તો ભાજપનું ગઠબંધન 01 બેઠક પર અને અન્યો 2 બેઠક પર આગળ છે.