અમદાવાદ : નરેન્દ્ર મોદીના પીએમ બન્યા બાદ અન્ય દેશના વડાઓ પોતાના ભારત પ્રવાસ દરમિયાન ગુજરાત મુલાકાતે આવી રહ્યા છે. ત્યારે બ્રિટનના PM બોરિસ જ્હોનસન ગુજરાતના પ્રવાસે આવશે. 21 એપ્રિલ ભારતના પ્રવાસની શરૂઆત ગુજરાતથી કરશે. આવામાં તેઓ અમદાવાદમાં ગાંધી આશ્રમની મુલાકાત લે તેવી શક્યતા છે. બોરિસ જ્હોનસન 21 થી 24 એપ્રિલ સુધી ભારતના પ્રવાસે છે.
બ્રિટનના PM બોરિસ જોનસન આ મહિનાના અંતમાં ભારતની મુસાફરી કરશે. આ મુસાફરી દરમિયાન બંને દેશોના સંબંધોને મજબૂતી મળશે. યુકે સરકાર દ્વારા આપવામાં આવેલી માહિતી અનુસાર, બોરિસ જોનસન આ સપ્તાહ પહેલીવાર દિલ્હી અને ગુજરાતનો પ્રવાસ કરશે. યુકે સરકારની પીએમ મોદી સાથેની બેઠકમાં વૈશ્વિક ચેલેન્જિસનો સામનો કરતા આર્થિક, રક્ષા, સુરક્ષા અને ટેકનિકલ સહયોગ પર વધુ ધ્યાન આપવામાં આવશે.