અમદાવાદ : ગુજરાતમાં દિનપ્રતિદિન ગુનાઈત પ્રવૃત્તિઓ વધી રહી છે. એમાંય ખાસ કરીને અમદાવાદ શહેરમાં હવે દિવસે ને દિવસે મુંબઈ-દિલ્લી જેવી સ્થિતિ બનતી જાય છે. અહીં ધંધા-રોજગાર માટે રોજ સંખ્યાબંધ લોકો બહારથી અવરજવર કરતા થયા છે. ત્યારે કાયદો અને વ્યવસ્થાની સ્થિતિ જળવાઈ રહે તે આશયથી ખુબ મોટો નિર્ણય લેવામાં આવ્યો છે.
હવેથી પોલીસ અને AMC બન્ને રાખશે તમારી હરકતો પર નજર. AI એટલેકે, આર્ટિફિશિયલ ઈન્ટેલિજન્સની મદદથી સોફટવેર તૈયાર કરવામાં આવ્યું છે. જેના આધારે તમારી દરેક ગતિવિધિ પર અમદાવાદ પોલીસ નજર રાખશે. એટલું જ નહીં બીજી તરફ AMC તંત્ર પણ તમારી બધી હરકત તમારી દરેક મૂવમેન્ટ પર વોચ રાખશે. શહેરમાં જગ્યા જગ્યાએ લગાવવામાં આવેલાં CCTV કેમેરાની મદદથી આ વોચ રાખવામાં આવશે.
હવે AMC દ્વારા ત્રીસથી વધુ બાબત માટે ઈ-મેમો અપાશે. આર્ટિફિશિયલ ઈન્ટેલિજન્સ ટેકનોલોજીનો ઉપયોગ કરીને AMC દ્વારા ખાસ પ્રકારનું સોફટવેર તૈયાર કરવામાં આવ્યુ છે.પાંચ હજારથી વધુ CCTV કેમેરાની મદદથી પોલીસ અને AMC ની મળી ત્રીસથી વધુ બાબતના નિયમભંગ બદલ ઈ-મેમો આપવામાં આવશે.આગામી બે મહિનામાં અમલ કરવાની દિશામાં ચક્રો ગતિમાન કરાયા છે.
અમદાવાદમાં હવે ટ્રાફિક કે AMC ના કોઈ નિયમની અવગણના કરવી આવનારા સમયમાં લોકો માટે ભારે પડી જશે.આર્ટિફિશિયલ ઈન્ટેલિજન્સ ટેકનોલોજીની મદદથી તૈયાર કરવામા આવેલા ખાસ પ્રકારના સોફટવેર સાથે વિવિધ વિસ્તારમાં લગાવવામા આવેલી CCTV કેમેરાને કંટ્રોલરુમ સાથે જોડી દેવામાં આવશે.જેથી નિયમનો ભંગ કરનારા પકડાઈ જશે.નિયમભંગ કરવા બદલ પકડાયેલા લોકોને ઈ-મેમો આપવામાં આવશે.
જાણો કઈ-કઈ બાબત માટે પોલીસ અને AMC આપશે ઈ-મેમો:
રેડ સિગ્નલનો ભંગ કરવો
ચાલુ વાહને મોબાઈલનો ઉપયોગ
સીટ બેલ્ટ કે હેલ્મેટ વગર મુસાફરી કરવી
ત્રણ સવારી મુસાફરી કરવી દિવસ દરમિયાન ભારે વાહનોની અવરજવર
નો પાર્કિંગ ઝોનમાં પાર્કિંગ કરવુ
જાહેર રસ્તા ઉપર થૂંકનારાને દંડ કરાશે જાહેર રોડ ઉપર રખડતા પશુ ને લઈ
ભારે વાહન દ્વારા મટીરીયલ કવર કર્યા વગર લઈ જવુ
રોડ ઉપર ગેરકાયદેસર દબાણ કરવા અંગે
BRTS કોરિડોરમાં વાહન ચલાવવુ
રોડ ઉપરના ખાડા કે પાણી ભરાવવાની બાબતમાં
રોડ ઉપરના વીજ પોલ કે ફૂટપાથ તૂટેલા હોય
જાહેર રોડ ઉપર કચરો નાંખવો