અમદાવાદ : કેન્દ્રીય ગૃહમંત્રી અમિત શાહ આજે અમદાવાદની મુલાકાતે છે. ગાંધીનગર લોકસભાના મધ્યસ્થ કાર્યાલયે કેન્દ્રીય ગૃહમંત્રી અમિત શાહ પહોંચ્યા હતા.અમદાવાદના મધ્યસ્થ કાર્યાલય ખાતે કેન્દ્રીય ગૃહમંત્રી અમિત શાહ અને મુખ્યમંત્રી ભૂપેન્દ્ર પટેલ તથા કાર્યકરોની સાથે તિલક કરીને હોળી રમી હતી.
ગાંધીનગરમાં મધ્યસ્થ કાર્યાલયે કેન્દ્રીય ગૃહમંત્રી અમિત શાહ પહોંચ્યા હતા. તેમણે મુખ્યમંત્રી ભૂપેન્દ્ર પટેલ તથા કાર્યકરોની સાથે તિલક કરીને હોળી રમી હતી. ગૃહમંત્રીએ દેશના સર્વે લોકોને હોળીની શુભકામનાઓ પાઠવી હતી. અને કહ્યુ હતુ કે તહેવારોએ આપણા દેશની ધરોહર સમાન છે અને હોળીમાં દરેક ધર્મના લોકો રંગે રંગાય છે.
આ પ્રસંગે તેઓએ પોતાના સંબોધનમાં હોળીનો તહેવાર અસત્ય પર વિજયના પ્રતીક સમાન છે, સમાનતાના પ્રતિક તહેવાર હોવાનું તેઓએ જણાવ્યું હતું. આપણે સૌ નહિ પરંતુ દુનિયાભરમાં ફેલાયેલ રામભક્તો માટે હોળીનો તહેવાર વિશેષ હોવાનું તેઓએ જણાવ્યું હતું.
