અમદાવાદ : ટીમ ઈન્ડિયાના ઓલરાઉન્ડર હાર્દિક પંડ્યા અને નતાશાના છૂટાછેડા થઈ ચુક્યા છે. લાંબા સમયથી હાર્દિક પંડ્યા અને તેની પત્ની નતાશાના લગ્ન જીવનમાં વિખવાદ અંગે અટકળો ચાલતી હતી. આખરે આ અટકળોનો અંત આવ્યો છે અને હાર્દિક પંડ્યા અને નતાશા મ્યુચ્યુઅલ રીતે અલગ થઈ ગયા હોવાના સમાચારો સામે આવ્યાં છે. ખુદ હાર્દિક પંડ્યાએ ઈન્સ્ટાગ્રામ પર પોસ્ટ મુકીને આ જાણકારી આપી છે.
હાર્દિક અને નતાશાએ ઈન્સ્ટાગ્રામ પર પોસ્ટ કરીને કોમેન્ટ્સ બંધ કરી દીધી છે. બંનેએ પોસ્ટમાં લખ્યું, ‘4 વર્ષ સુધી સાથે રહ્યા પછી નતાશા અને મેં પરસ્પર સહમતિથી અલગ થવાનો નિર્ણય લીધો છે. અમે સાથે મળીને અમારો શ્રેષ્ઠ પ્રયાસ કર્યો અને અમારું શ્રેષ્ઠ આપ્યું અને અમે માનીએ છીએ કે આ અમારા બંને માટે શ્રેષ્ઠ છે. આ અમારા માટે મુશ્કેલ નિર્ણય હતો કારણ કે અમે એકતા, પરસ્પર આદર અને સાથીદારીનો આનંદ માણ્યો હતો. જેમ જેમ અમારો પરિવાર વધતો ગયો.
IPL 2024 દરમિયાન પંડ્યા ખરાબ તબક્કામાંથી પસાર થઈ રહ્યો હતો. એક તરફ તેનો પરિવાર તૂટી રહ્યો હતો અને બીજી તરફ તેનું પ્રદર્શન બગડી રહ્યું હતું. પંડ્યા ટી20 વર્લ્ડ કપ 2024માં ટીમ ઈન્ડિયા માટે રમ્યો હતો. ટીમ ઈન્ડિયા ચેમ્પિયન બન્યા બાદ તે ખરાબ રીતે રડ્યો હતો અને પોતાની દિલની લાગણી વ્યક્ત કરી હતી.