અમદાવાદ : શહેરના નવા વાડજ ખાતે આવેલ અર્બન હેલ્થ સેન્ટરમાં 78 માં સ્વાતંત્ર પર્વ નિમિત્તે ધ્વજ વંદન કાર્યક્રમ યોજવામાં આવ્યો હતો. જેમાં વાડજ પોલીસ સ્ટેશનના પીઆઇ સી.જી. જોશી, પૂર્વ કાઉન્સીલર મનુભાઈ ભરવાડ, સ્થાનિક આગેવાન વાસુદેવ ગોહિલ તથા ભાનુભાઈ બારોટ અને શાયોના ફેશનવાળા જય કિશનભાઇ ભાવસાર સહિત અન્ય લોકો પણ ઉપસ્થિત રહ્યા હતા અને રાષ્ટ્રગાન ગાવામાં આવ્યું હતું.
પ્રાપ્ત વિગતો મુજબ, નવા વાડજ ખાતે આવેલ અર્બન હેલ્થ સેન્ટરમાં 78 માં સ્વાતંત્ર પર્વની ઉજવણીનો કાર્યક્રમનો શુભારંભ દેશભક્તિમય વાતાવરણમાં ઉપસ્થિત અતિથિઓના સ્વાગતથી થયો હતો.અર્બન હેલ્થ સેન્ટરના મેડિકલ ઓફિસર જીગર સોલંકી, સુપરવાઇઝર મનીષ પરમાર, સ્ટાફ નર્સ ખુશ્બુ રાઠોડ તથા આરોગ્ય કર્મી સ્મિતા પરમારના અધ્યક્ષ સ્થાને આ કાર્યક્રમનું આયોજન કરવામાં આવ્યું હતું. આ પ્રસંગે ઉપસ્થિત મહેમાનોએ સ્વતંત્રતા પર્વની શુભેચ્છાઓ પાઠવી હતી.
આજના આ સ્વતંત્રતા પર્વની ઉજવણી નિમિત્તે અર્બન હેલ્થ સેન્ટરમાં કાર્યરત તમામ આરોગ્ય લક્ષી સેવા આપતા સ્ટાફ તેમજ અન્ય તમામ સ્ટાફનું સર્ટિફિકેટ તથા પુષ્પગુચ્છ આપી બહુમાન કરવામાં આવ્યું હતું. આઝાદીના આ પર્વને હર્ષોઉલ્લાસથી ઉજવવા મોટી સંખ્યામાં સ્થાનિક નાગરિકો જોડાયા હતા.