અમદાવાદ : ગુજરાતમાં જે લોકો ભાડે ઘરમાં રહી રહ્યાં છે તે લોકો અને મકાન માલિકો થઇ જજો સચેત, ગુજરાત પોલીસે એક વિશેષ અભિયાન હાથ ધર્યું છે. આ અભિયાન 13 થી 27 ઓક્ટોબર 2024 સુધી ચાલશે. આ અભિયાન હેઠળ ભાડુઆત નોંધણી અંગેની ખાસ ડ્રાઈવ યોજવામાં આવશે. ગુજરાત પોલીસનાં આ વિશેષ અભિયાનનો હેતુ એ છે કે ભાડુઆતની નોંધણીના નિયમનું ચુસ્ત પાલન થાય અને સૌ સુરક્ષિત-સલામત રહે.
રાજ્યભરમાં તા.૧૩ થી ૨૭ ઓકટોબર ૨૦૨૪ દરમિયાન ભાડૂઆત નોંધણી અંગેની ખાસ ડ્રાઈવ યોજવામાં આવશે.
ભાડૂઆત અંગે પોલીસ સ્ટેશન ખાતે નોંધણી કરાવવી ફરજિયાત છે, જે ગુજરાત સિટીઝન ફર્સ્ટ એપ મારફતે ઘરે બેઠાં સરળતાથી ઓનલાઈન કરી શકાય છે.
— Gujarat Police (@GujaratPolice) October 13, 2024
ગુજરાત પોલીસ દ્વારા આજથી 27 ઓક્ટોબર સુધી એક ખાસ ડ્રાઇવ શરૂ કરવામાં આવી છે. ભાડુઆત નોંધણી અંગેની આ ઝુંબેશ હેઠળ પોલીસ ભાડુઆત નોંધણી અંગેની તપાસ ઘરે ઘરે જઈને કરી શકે છે. આ મામલે ગુજરાત પોલીસે તેના સોશિયલ મીડિયા એકાઉન્ટ પર પોસ્ટ કરી માહિતી આપી છે, જેમાં લખ્યું છે કે રાજ્યભરમાં 13 થી 27 ઓકટોબર, 2024 દરમિયાન ભાડુઆત નોંધણી અંગેની ખાસ ડ્રાઈવ યોજવામાં આવશે. ભાડુઆત અંગે પોલીસ સ્ટેશન ખાતે નોંધણી કરાવવી ફરજિયાત છે, જે લોકોએ મકાન ભાડે રાખ્યું છે તે ભાડુઆત અને મકાનમાલિક છે તેણે પોલીસ સ્ટેશનમાં ઓનલાઇન ભાડા કરાર નહિ બતાવ્યો હોય અને નહિ કર્યો હોય તો પોલીસ તમારી સામે કરી શકે છે કાર્યવાહી.
A tenant registration drive is being held from 13/10/2024 to 27/10/2024. This is mandatory and can be easily done online via the Gujarat Citizen First App. This special drive by the police aims to ensure compliance of tenant registration in co-operative manner. Register promptly!
— Gujarat Police (@GujaratPolice) October 13, 2024
અન્ય એક પોસ્ટમાં ગુજરાત પોલીસે લખ્યું કે, ગુજરાત પોલીસનાં આ વિશેષ અભિયાનનો હેતું એ છે કે ભાડુઆતની નોંધણીનાં નિયમનું ચુસ્ત પાલન થાય અને સૌ સુરક્ષિત-સલામત રહે. આથી, પોલીસને સહકાર આપો, જલદીથી ભાડુઆત અંગે નોંધણી કરો.! ઉલ્લેખનીય છે કે, મકાન ભાડે રાખી ગુનાહિત પ્રવૃત્તિઓને અંજામ આપતા કેટલાક ગુનેગારોની અગાઉ ધરપકડ કરવામાં આવી છે. ગુનાહિત પ્રવૃત્તિઓમાં ભાડાનાં મકાન કે અન્ય પ્રોપર્ટીનો ઉપયોગ થતો અટકાવવા અને ગુનાહિત પ્રવૃત્તિઓ પર અંકુશ રાખવા ભાડુઆતની નોંધણી ફરજિયાત કરાઈ છે.
