અમદાવાદ : શહેરના કાયદાકીય ક્ષેત્ર અને વકીલ આલમ માટે ગૌરવપૂર્ણ ઘટનામાં, અમદાવાદના જાણીતા એડવોકેટના પુત્રએ વિદેશમાં ગુજરાતનું નામ રોશન કર્યું છે. ગુજરાત હાઇકોર્ટમાં વકીલાત કરતા એડવોકેટ શ્રી પંકજ સોનીના સુપુત્ર પાર્થ સોનીએ તાજેતરમાં કેનેડામાં ‘બેરિસ્ટર એન્ડ સોલિસિટર’ (Barrister and Solicitor) ની ઉચ્ચ અને પ્રતિષ્ઠિત પદવી પ્રાપ્ત કરી છે.
ગુજરાત હાઇકોર્ટથી કેનેડા સુધીની સફર પાર્થ સોની કાયદાકીય વારસો ધરાવે છે. તેઓ આ અગાઉ અમદાવાદમાં જ ગુજરાત હાઇકોર્ટ ખાતે પ્રેક્ટિસ કરતા હતા અને કાયદાકીય ક્ષેત્રે બહોળો અનુભવ ધરાવે છે. પોતાની કારકિર્દીને આંતરરાષ્ટ્રીય સ્તરે લઈ જવાના ઉદ્દેશ્ય સાથે તેઓએ કેનેડામાં કાયદાકીય અભ્યાસ અને જરૂરી પરીક્ષાઓ સફળતાપૂર્વક પૂર્ણ કરી હતી.
ઓન્ટારિયોમાં નવી લૉ ફર્મનો પ્રારંભ માત્ર ડિગ્રી મેળવીને અટકવાને બદલે, પાર્થ સોનીએ કેનેડાના ઓન્ટારિયો (Ontario) ખાતે પોતાની સ્વતંત્ર લૉ ફર્મ શરૂ કરી છે. ભારતીય કાયદા અને કેનેડિયન કાયદા બંનેના જ્ઞાનનો સમન્વય હોવાથી, તેમની આ સિદ્ધિ ત્યાં વસતા ભારતીય સમુદાય અને સ્થાનિક લોકો માટે કાયદાકીય સલાહ મેળવવા માટે ખૂબ જ ઉપયોગી સાબિત થશે.
એડવોકેટ પંકજ સોનીના પરિવાર અને મિત્રવર્તુળમાં આ સમાચારને પગલે ખુશીનો માહોલ છવાયો છે અને પાર્થ સોનીને ઠેર-ઠેરથી શુભેચ્છાઓ મળી રહી છે. એક ગુજરાતી યુવા વકીલે વિદેશમાં જઈને પોતાની કાબેલિયતથી લૉ ફર્મ સ્થાપીને અમદાવાદનું નામ વિશ્વસ્તરે ગુંજતું કર્યું છે.
તમને જણાવી દઈએ કે પાર્થ સોનીના પિતા પંકજ સોની પણ ગુજરાત હાઈકોર્ટમાં એડવોકેટ છે, તેઓના પરિવારમાં કુલ 11 સભ્યો વિવિધ કોર્ટમાં એડવોકેટ છે.તેઓના પિતાશ્રી કનૈયાલાલ શાંતિલાલ સોની પણ એડવોકેટ છે. તેમના ત્રણ મોટા ભાઈઓ, પ્રકાશભાઈ, કિરીટભાઈ તથા વિજયભાઈ પણ એડવોકેટ છે.તેમના ભત્રીજા નામે રાજેશભાઈ તથા દિપેશભાઈ, દીપ સોની તેમજ દર્શનભાઈ પણ એડવોકેટ છે તથા તેમની ભત્રીજી નામે પિન્કીબેન પણ એડવોકેટ છે.
તમને જણાવી દઈએ કે કેનેડામાં વકીલ બનવા માંગો છો તો તમને કેનેડાની NCA પરીક્ષા પાસ કરવી પડતી હોય છે. જેને લો સોસાયટી ઑફ ઑન્ટારિયોની બેરિસ્ટર અને સોલિસિટર પરીક્ષા ગણાય છે. જેથી કેનેડામાં વકીલાત કરવાનો રસ્તો સરળ બની જાય છે.