મુંબઈ : ઈન્ડિયન પ્રીમિયર લીગ (IPL) ને લઈને એક મોટા સમાચાર સામે આવી રહ્યા છે. ગુજરાત ટાઈટન્સે પોતાના નવા કેપ્ટનની જાહેરાત કરી દીધી છે. એટલે કે હાર્દિક પંડ્યા હવે મુંબઈ ઈન્ડિયન્સમાં જોડાઈ જતા હવે ગુજરાત ટાઈટન્સે મોટો નિર્ણય લેતા ટીમ ઈન્ડિયાના સ્ટાર ઓપનર શુભમન ગિલ IPLની આગામી સીઝનમાં ગુજરાત ટાઈટન્સનું નેતૃત્વ સંભાળશે.
હાર્દિક આગામી સિઝનમાં મુંબઈ ઈન્ડિયન્સ (MI) તરફથી રમતા જોવા મળશે. MI એ પણ આજે સોશિયલ મીડિયા પર તેની સત્તાવાર જાહેરાત કરી હતી. આ દરમિયાન, MIએ કેમેરોન ગ્રીનને રોયલ ચેલેન્જર્સ બેંગ્લોર (RCB) સાથે ટ્રેડ કર્યો છે.2022માં હાર્દિક ટીમ સાથે જોડાયો હતો. પહેલી જ સીઝનમાં ટીમને વિજેતા બનાવી હતી.
ઇન્ડિયન પ્રીમિયર લીગ (IPL)ની ટીમ ગુજરાત ટાઇટન્સ (GT)ની કેપ્ટનશીપ શુભમન ગિલ કરશે. ફ્રેન્ચાઇઝીએ સોમવારે આની જાહેરાત કરી હતી. આ ફેરફાર ઓલરાઉન્ડર હાર્દિક પંડ્યાના ટીમ છોડવાના કારણે થયો છે.