Monday, November 23, 2026

અમદાવાદ મેડિકલ એસોસિએશન દ્વારા ‘કોવિડ શહીદ દિવસ’ નિમિત્તે શહીદ ડોક્ટરોને ભાવભીની શ્રદ્ધાંજલિ

spot_img
Share

અમદાવાદ, 30 જાન્યુઆરી : ઇન્ડિયન મેડિકલ એસોસિએશન (IMA) હેડક્વાર્ટરના નિર્દેશ અનુસાર, આજે અમદાવાદ મેડિકલ એસોસિએશન (AMA) દ્વારા ‘કોવિડ શહીદ દિવસ’ નિમિત્તે એક વિશેષ દીપ પ્રાર્થના સભાનું આયોજન કરવામાં આવ્યું હતું. અમદાવાદ મેડિકલ એસોસિએશન હોલ ખાતે યોજાયેલા આ કાર્યક્રમમાં મેડિકલ સમુદાયે એકત્ર થઈને કોવિડ-૧૯ મહામારી દરમિયાન પોતાની ફરજ બજાવતા શહીદ થયેલા ડોક્ટરોને ગૌરવપૂર્ણ શ્રદ્ધાંજલિ અર્પણ કરી હતી.

પ્રાપ્ત રિપોર્ટ મુજબ, અમદાવાદ મેડિકલ એસોસિએશન હોલ ખાતે યોજાયેલા આ પ્રાર્થના સભામાં શહેરના અંદાજે 40 જેટલા અગ્રણી ડોક્ટરો ઉપસ્થિત રહ્યા હતા. કાર્યક્રમની શરૂઆત દીપ પ્રાગટ્ય દ્વારા કરવામાં આવી હતી અને ત્યારબાદ બે મિનિટનું મૌન પાળીને દિવંગત આત્માઓને શાંતિ માટે પ્રાર્થના કરવામાં આવી હતી. આ તકે કોવિડ દરમિયાન અવસાન પામેલા ડોક્ટરોના ફોટોગ્રાફ્સનું એક પ્રદર્શન પણ યોજવામાં આવ્યું હતું, જે મહામારીના કપરા સમયમાં મેડિકલ સમુદાયે આપેલા અદમ્ય સાહસ અને બલિદાનની જીવંત યાદગાર બની રહ્યું હતું.

આ અવસરે અમદાવાદ મેડિકલ એસોસિએશનના પ્રમુખ ડૉ. જિગ્નેશ શાહે જણાવ્યું હતું કે, “કોવિડ શહીદ ડોક્ટરોનું બલિદાન ભારતીય ચિકિત્સા ઇતિહાસમાં સાહસ, કરુણા અને સમર્પણનું અવિસ્મરણીય પ્રકરણ છે.” સંસ્થાના માનદ સચિવ ડૉ. મૌલિક શેઠે આ દિવસનું મહત્વ સમજાવતા કહ્યું હતું કે, “આવા દિવસોનું અવલોકન કરવું એ માત્ર શ્રદ્ધાંજલિ નથી, પરંતુ સમાજ અને રાષ્ટ્ર પ્રત્યે ડોક્ટરોની નિષ્ઠા અને સેવાભાવને સ્મરણમાં રાખવાની આપણી નૈતિક ફરજ છે.”

આ કાર્યક્રમ દ્વારા મેડિકલ સમુદાયે પોતાના શહીદ સહકર્મીઓના સ્મરણ સાથે માનવસેવા માટેની પોતાની પ્રતિબદ્ધતાને પુનઃદ્રઢ કરી હતી.

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...