Friday, November 20, 2026

અમદાવાદમાં ફરી નશામાં ધૂત કાર ચાલકે અકસ્માત સર્જ્યો, મંદિર સામે જ થયું ગાયનું મોત, દારૂની બોટલ મળી

spot_img
Share

અમદાવાદ: શહેરમાં ફરીથી નશામાં ધૂત કાર ચાલકે અકસ્માત સર્જ્યો છે. અમદાવાદના વટવામાં જોગણી માતાના મંદિર પાસે બેફામ રીતે હંકારતા કાર ચાલકે અન્ય કારને ટક્કર મારી છે. જેમાં ગાય પણ અડફેટે આવી ગઈ હતી. આ ગમખ્વાર અકસ્માતમાં ગાયનું કરૂણ મોત નીપજ્યું છે. કારમાંથી દારૂની ખાલી બોટલ પણ મળી આવી છે. જ્યારે ડ્રાઇવરની પાછળની સીટ પરથી પણ પ્લાસ્ટિકની બોટલમાં દારૂ જેવું કાંઈ હોવાની ચર્ચા ચાલી રહી છે. જોકે, સ્થાનિકોએ કાર ચાલકને ઝડપી પાડ્યો છે. હાલ પોલીસે આ વધુ તપાસ હાથ ધરી છે.

આ અંગે મળતી પ્રાથમિક માહિતી પ્રમાણે, વટવા વિસ્તારમાં જોગણી માતાના મંદિર પાસે ગત રાત્રે એક લક્ઝરી કારચાલકે પૂરપાટ ઝડપે વાહન ચલાવી અકસ્માત સર્જ્યો હતો. સ્થાનિકોના જણાવ્યા અનુસાર, કારચાલક એટલી હદે નશામાં હતો કે તેને રસ્તા પરનું પણ ભાન નહોતું. કારની ગતિ એટલી તેજ હતી કે અકસ્માત બાદ મોટો અવાજ આવતા જ આસપાસના લોકો દોડી આવ્યા હતા. અકસ્માત સર્જાયા બાદ જ્યારે ગુસ્સે ભરાયેલા લોકોએ કારની તપાસ કરી, ત્યારે અંદરથી દારૂની બોટલ મળી આવતા મામલો વધુ બિચક્યો હતો. લોકોનો આક્ષેપ છે કે કારચાલક સંપૂર્ણપણે નશાની હાલતમાં હતો અને તેના કારણે જ આ ગંભીર અકસ્માત સર્જાયો છે. કારમાંથી મળેલી દારૂની બોટલ ગુજરાતમાં દારૂબંધીના કાયદાના અમલીકરણ સામે ફરી એકવાર સવાલો ઉભા કરે છે.

આ અકસ્માતની સૌથી દુખદ બાબત એ છે કે કારચાલકે એક અબોલ ગાયને અડફેટે લીધી હતી. સ્થાનિક લોકોના આક્ષેપ મુજબ, ટક્કર એટલી જોરદાર હતી કે ગાયનું ઘટનાસ્થળે જ કરૂણ મોત નીપજ્યું હતું. પોતાના પશુઓના જીવ જોખમમાં મુકાતા જોઈને સ્થાનિકોએ કારચાલકને સ્થળ પર જ ઝડપી પાડ્યો હતો. લોકોએ તેને પકડીને પોલીસને જાણ કરી હતી, જે બાદ પોલીસ કાફલો ઘટનાસ્થળે પહોંચ્યો હતો. ઘટનાની જાણ થતા જ વટવા પોલીસ સ્ટેશનનો સ્ટાફ દોડી આવ્યો હતો અને કારચાલકની અટકાયત કરી હતી. કારચાલકનું મેડિકલ પરીક્ષણ કરાવવાની તજવીજ હાથ ધરાઈ છે જેથી તે નશામાં હતો કે નહીં તેની સત્તાવાર પુષ્ટિ થઈ શકે. પોલીસે ગુનો નોંધીને કાર અને દારૂની બોટલ જપ્ત કરી છે અને વધુ તપાસ શરૂ કરી છે કે આ નબીરો ક્યાંથી આવતો હતો અને દારૂ ક્યાંથી લાવ્યો હતો.

થોડા દિવસ પહેલા પણ શહેરમાં નશામાં ધૂત કાર ચાલકે અકસ્માત સર્જ્યો હતો. શહેરના નરોડા સિવિક સેન્ટર નજીક મુખ્ય માર્ગ પર દારૂના નશામાં ધૂત નબીરા રાઘવેંદ્ર સીંગે બેફામ ડ્રાઈવિંગ કરી એક્ટિવા ચાલકને ટક્કર મારી હતી. અકસ્માત બાદ નબીરો ફરાર થયો હતો. સ્થાનિક યુવાઓના આક્ષેપ પ્રમાણે, લોકોએ આ નબીરાનો પીછો કરી ગાડી પકડવાનો પ્રયાસ કર્યો હતો પરંતુ પોલીસ વાન આવી નબીરાને બચાવી ભગાવી દેવામાં આવ્યો છે. આ ઘટનાનો વીડિયો બનાવનાર યુવક પર નબીરાએ ગાડી ચઢાવવાનો પ્રયાસ હાથ ધરવામાં આવ્યો હોવાનો પણ આક્ષેપ છે. આ સાથે ધારાસભ્ય અમૃત ઠાકોરે નબીરાને પોલીસ બચાવતી હોવાનો આરોપ લગાવ્યો છે. જોકે, પોલીસે નબીરાની (31 વર્ષ) અટકાયત કરી લીધી હતી.

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...