અમદાવાદ : રાજ્યમાં હવે તમામ રાજકીય પક્ષોની નજર આવનારી સ્થાનિક સ્વરાજ્યની ચૂંટણીઓ પર કેન્દ્રિત થઈ ગઈ છે. ભાજપ, કોંગ્રેસ અને આપ દ્વારા પોતાના સંગઠનને મજબૂત બનાવવા માટે સક્રિય બન્યા છે.તે દરમિયાન ભાજપમાં ટિકિટ મેળવવા ઇચ્છુક દાવેદારોની દોડધામ અત્યારથી જ શરૂ થઈ ગઈ છે. અનેક નેતાઓએ પક્ષના કમલમ કાર્યાલયના ચક્કર લગાવવાનું શરૂ કરી દીધું છે. ટિકિટ માટે લોબીંગ અને આંતરિક ગતિવિધિઓ તેજ બની છે.
અમદાવાદ શહેરની વાત કરીએ તો એક વિધાનસભામાં તો બે-બે ટર્મ ચુંટાયેલ મ્યુ કોર્પાેરેટરો ચાર-ચાર કોર્પાેરેટરોએ ધારાસભ્યોના ઝભ્ભા પકડયા હોય તેમ વૈકુંઠ પાર પાડવાની ગતિવિધિઓ તેજ કરી દીધી છે.તો કેટલાંક કોર્પાેરેટરોએ તો પોતાના ગોડ ફાધરોના ત્યાં આંટાફેરા શરૂ કરી દીધા છે.ભાજપના આંતરિક સૂત્રો અનુસાર, તાજેતરમાં થયેલ અમદાવાદ શહેર સંગઠનની નિમણુંકમાં ભાજપ દ્વારા યુવા ચહેરાઓને મોટેભાગે પ્રાધાન્ય આપવાનો પ્રયાસ કર્યાે છે, ત્યારે આ વખતે સ્થાનિક સ્વરાજ્યની એટલે સ્થાનિક મ્યુ ચૂંટણીમાં પક્ષ જૂની ફોર્મ્યુલા જ અમલમાં મૂકાશે. આ ફોર્મ્યુલા મુજબ 60 વર્ષથી વધુ વયના સિનિયર નેતાઓને ટિકિટ આપવામાં આવશે નહીં.
ઉપરાંત,‘રિપીટ થિયરી’ પણ અપનાવવામાં આવશે નહીં. એટલે કે, શહેરોમાં બે કરતાં વધુ વખત કોર્પોરેટર તરીકે ચૂંટાયેલા નેતાઓને ફરી તક આપવામાં નહીં આવે.ભાજપ દ્વારા આ વખતે નવા ચહેરાઓને પ્રાધાન્ય આપશે અને યુવા નેતૃત્વને આગળ લાવવા પ્રયત્ન કરશે. સાથે જ, ગુનાહિત પૃષ્ઠભૂમિ ધરાવતા વ્યક્તિઓને પણ ટિકિટ આપવામાં નહીં આવે.
આ રીતે ભાજપ નક્કી કરેલા માપદંડો અને નિયમોના આધારે ઉમેદવારોની પસંદગી કરશે. જેથી સ્થાનિક સ્વરાજ્યની ચૂંટણી લડવા ઇચ્છુક દાવેદારોએ પક્ષના આ નિયમોનું પાલન કરવું ફરજિયાત બનશે.