અમદાવાદ : અમદાવાદ મ્યુનિસિપલ કોર્પોરેશનની આજે મળેલ સ્ટેન્ડિંગ કમિટીમાં હવે પાર્ટ ટાઈમ હોલ ભાડે આપવાની દરખાસ્તને આજે મંજૂરી આપવામાં આવી છે. હોલનું ભાડું પ્રવર્તમાન દરના 50 ટકા જેટલું ચૂકવવાનું રહેશે.જેને લઈને હવે કોર્પોરેશન સંચાલિત હોલ, ઓડિટોરિયમ, પિકનિક હાઉસ અને પાર્ટી પ્લોટ હવે આખા દિવસની જગ્યાએ છ કલાક માટે પણ ભાડે આપવામાં આવશે.
અમદાવાદ મ્યુનિસિપલ કોર્પોરેશન સંચાલિત હોલને હવે 6 કલાક માટે ભાડે આપવાની નીતિને આજે મંજૂરી આપવામાં આવી છે.અમદાવાદ મ્યુનિસિપલ કોર્પોરેશનની આ નવી નીતિ મુજબ હવેથી બર્થ ડે પાર્ટી, કિટ્ટી પાર્ટી, પેન્શનરોની મીટીંગ, સિનિયર સીટીઝન મીટીંગ, પ્રદર્શનો, ધાર્મિક પ્રસંગો અને કોર્પોરેટ મીટીંગ વગેરે તેમાં યોજી શકાશે.પાર્ટ ટાઈમ માટે હોલનું ભાડું જે અત્યારે ભાડું છે તેના કરતાં 50 ટકા લેવામાં આવશે.જ્યારે ડિપોઝિટ સો ટકા ભરવાની રહેશે.વહીવટી અને સફાઈ ચાર્જ જે હાલમાં છે તે જ મુજબ લેવામાં આવશે સવારે 8 થી બપોરે 2 અને સાંજે વાગ્યા સુધી ભાડે મેળવી શકશે. એક મહિના પહેલા લોકોએ મેળવવા માટે બુકિંગ કરાવવાનું રહેશે.
જોકે આ માટે મ્યુનિસિપલ કોર્પોરેશનના તમામ નીતિ નિયમોનું પાલન કરવાનું રહેશે. કોઈપણ પ્રકારનો જમણવાર તેમાં યોજી શકાશે નહીં માત્ર બહારથી હળવો નાસ્તો લાવીને કરી શકાશે. ઝોનના સિવિક સેન્ટર ઉપર આ માટે ડિપોઝિટ અને ભાડું ભરી અને નોંધણી કરાવી શકાશે.પાર્ટ ટાઈમ માટે હોલ ભાડે આપવાથી મ્યુનિસિપલ કોર્પોરેશનની આવકમાં વધારો થશે.
