અમદાવાદ : અમદાવાદ શહેરમાં આજે બુધવારે ફિલ્મ અભિનેતા શાહરૂખ ખાનની ફિલ્મ પઠાણ રિલીઝ થવા જઈ રહી છે. ફિલ્મને લઇને ઉભા થયેલા વિવાદના પગલે શહેર પોલીસ દરેક મલ્ટિપ્લેક્સ, થિયેટર, મોલ બહાર બંદોબસ્ત ગોઠવશે. તેમજ ફિલ્મ રિલીઝ મામલે કોઈ અનિચ્છનીય બનાવ ન બને તેવી પોલીસની તૈયારી છે. આ ઉપરાંત ફિલ્મનો વિરોધ કરનાર સામે પોલીસ કાયદેસર કાર્યવાહી કરશે.
મીડિયા રિપોર્ટ મુજબ દરેક થિયેટરમાં એક પીએસઆઈ રેન્કના અધિકારી અને ત્રણ હેડ કોન્સ્ટેબલ સાથે કોન્સ્ટેબલ રેન્કના પોલીસકર્મીઓ તૈનાત રહેશે. સેન્સેટીવ વિસ્તારમાં આવેલા થિયેટરોમાં વધુ સુરક્ષા પ્રદાન કરવામાં આવશે.જ્યારે પોલીસે અફવાઓથી ગેરમાર્ગે નહીં દોરાવા શહેર પોલીસની જનતાને અપીલ કરી છે. જ્યારે સોશિયલ મીડિયા પર કોમી વયમનસ્ય ફેલાવનારા શખ્સો પર વૉચ રાખવામાં આવશે.
ગુજરાતમાં વિરોધ વચ્ચે પઠાણ ફિલ્મના એડવાન્સ બુકિંગની શરૂઆત થયું હતું. સરકારે સુરક્ષાની ખાતરી આપતા થિયેટરોમાં ઓનલાઇન-ઓફલાઇન બુકિંગની શરૂઆત કરવામાં આવી હતી.
