અમદાવાદ : શહેરના એક પોલીસ કર્મીએ રોમિયો જેવું વર્તન કર્યું હતું. એક મહિલાને રસ્તામાં રોકી પ્રેમ સંબંધ રાખવા દબાણ કર્યું. સમગ્ર મામલે કોન્સ્ટેબલ સામે ફરિયાદ નોંધાતા નરોડા પોલીસે વધુ તપાસ શરૂ કરી છે.
નિકોલ વિસ્તારમાં રહેતી એક મહિલાએ નરોડા પોલીસ સ્ટેશને ફરિયાદ દાખલ કરાવી છે કે, મહિલા જયારે અગાઉ એક ફ્લેટમાં રહેતી હતી ત્યારે આ પોલીસકર્મી જયરાજ વાળા પણ ત્યાં રહેતો હતો. બંને વચ્ચે ઓળખાણ થયા બાદ આરોપી તેને પ્રેમ કરવા લાગ્યો હતો. છેલ્લા ઘણા સમયથી આરોપી પોલીસકર્મી મહિલાને “હું તમને પ્રેમ કરું છું, મારે તમારી સાથે પ્રેમ સંબંધ બાંધવો છે તેમ કહીને હેરાન કરતો હતો” મહિલા સાથે પ્રેમ સંબંધ રાખવા માંગણીઓ પણ કરતો હતો. એટલું જ નહિ અલગ અલગ મોબાઈલ નંબર તથા ઓફિસના ફોનથી ફોન કરીને મહિલાને હેરાન કરતો હતો. જેથી મહિલા એ કૃષ્ણ નગર પોલીસ સ્ટેશનમાં અરજી આપી હતી.
થોડા દિવસ પહેલા બપોરે મહિલા ઘરેથી કામ નીકળી ત્યારે જયરાજ ત્યાં પહોંચ્યો હતો. મહિલાના એક્ટીવાની ચાવી લઇ એક્ટીવા પર બેસીને કહેવા લાગ્યો કે તું મારી સાથે પ્રેમ સંબંધ બાંધવાની કેમ નાં કહે છે. આમ કહી બભત્સ ગાળો બોલવા લાગ્યા આરોપીએ મહિલાને ગાળો બોલી સંબંધ નહીં રાખે તો તને જાનથી મારી નાખીશ તેવી ધમકી આપી હતી. જેથી હવે પોલીસે ગુનો નોંધી તપાસ શરૂ કરી છે.