અમદાવાદ : અમદાવાદ મ્યુનિસિપલ કોર્પોરેશનના આરોગ્ય વિભાગે શહેરમાં વધતા રોગચાળાને કાબૂમાં કરવા માટે કાર્યવાહીનો ધમધમાટ શરૂ કર્યો છે. શહેરના જાણીતા મોલ અને મલ્ટિપ્લેક્સ થિયેટર આલ્ફા મોલની કેન્ટીનમા દરોડા પાડવામાં આવ્યા હતા.આલ્ફા મોલમાંથી ફૂડ વિભાગે ટેસ્ટીગ માટે સેમ્પલ એકત્ર કર્યા હતાં. ગત અઠવાડિયામાં ફૂડ વિભાગના ચેકિંગ દરમિયાન પહેલા સેમ્પલમાંથી કુલ છ જેટલા નમૂનાઓ અપ્રમાણિત જાહેર થયા છે.
અમદાવાદ શહેરમાં ભેળસેળવાળી ચીજવસ્તુઓ વાપરતી દુકાનો ઉપરાંત કેટલીક હોટલો, રેસ્ટોરન્ટો અને દુકાનો લાયસન્સ વગર ચાલતી હોય છે, તેને લઈ ફૂડ વિભાગ દ્વારા ચેકિંગ શરૂ કરવામાં આવ્યું છે છેલ્લા એક અઠવાડિયામાં 443 જેટલી વિવિધ હોટલ-રેસ્ટોરન્ટ, દુકાનોમાં ચેકિંગ હાથ ધરવામાં આવ્યું હતું. ખાદ્ય ચીજોના 54 સેમ્પલ પણ લેવામાં આવ્યા હતા. 13 ઓગસ્ટથી 19 ઓગસ્ટ સુધીમાં શહેરની વિવિધ જગ્યાએથી બેકરીમાં 8, દૂધ- દૂધની વસ્તુઓ 10, ફરાળી વસ્તુઓના 14, મસાલા 10, બેસન મેંદાના 2, અન્ય 7 મળી કુલ 54 નમુના લઇ લેબોરેટરીમાં મોકલી આપ્યા છે.
છેલ્લા એક અઠવાડિયામાં ચેકિંગ દરમિયાન 211 નોટિસ આપી હતી. 426 કિલોગ્રામ અને 435 લિટર જેટલા બિનઆરોગ્યપ્રદ જથ્થાનો નાશ કરવામાં આવ્યો હતો. 16 જેટલા ટીપીસી ટેસ્ટ કરવામાં આવ્યા છે. જ્યારે 40000 જેટલો દંડ વસૂલ કરવામાં આવ્યો હતો. 549 જેટલા લાઇસન્સ ઇસ્યુ કરવામાં આવ્યા છે. ફૂડ વિભાગ દ્વારા આગામી સમયમાં ફૂડ લાઇસન્સ રજીસ્ટ્રેશન વગરની દુકાનો સામે કાર્યવાહી કરવામાં આવશે.અને નોનવેજનું વેચાણ કરતી દુકાનો હોટલ રેસ્ટોરન્ટ પાણીપુરીની લારીઓ અને વિવિધ હોટલો અને રેસ્ટોરન્ટમાં આગામી દિવસોમાં કડક ચેકિંગ હાથ ધરવામાં આવશે.
ક્રિશ્ના માર્કેટિંગ, જુના માધુપુરાનું ગાયનું ઘી, જુગાડી સ્પોટ, વસ્ત્રાલનો ટોમેટો સોસ, ચારભુજા પ્રોવિઝન સ્ટોર્સ, જીવરાજપાર્કના ફ્રાયમ્સ, મેક્સલાઈફ ફોર્મ્યુલાશન, બોપલના કેલ્શિયમ સાઇટ્રેટ અને ફેરસ એસ્કોર્બેટ તેમજ લક્ષ્મી કિરાણા સ્ટોર્સ, વાસણાના ફ્રાયમ્સ