28.2 C
Gujarat
Wednesday, February 12, 2025

જાહેર રસ્તાઓ પર ઓટો સાથે સ્ટંટ કરનાર કલરબાજ રિક્ષા સામે કડક કાર્યવાહી, હવે સપનામાં પણ નહીં કરે આવું કામ

Share

અમદાવાદ : અમદાવાદનો એક વીડિયો સોશિયલ મીડિયા પર વાયરલ થયો છે. જેમાં એક ડ્રાઈવર તેની ઓટો રિક્ષા સાથે ખતરનાક સ્ટંટ કરી રહ્યો છે. આરોપીની ઓળખ વટવા રોડના રહેવાસી તરીકે થઈ છે. વાયરલ વીડિયો ધ્યાને આવતા ટ્રાફિક પોલીસે રીક્ષાચાલકની ધરપકડ કરી છે.

પ્રાપ્ત રિપોર્ટ મુજબ વાયરલ થયેલા વિડિયોમાં સ્પષ્ટપણે જોઈ શકાય છે કે આરોપી ઓટો રિક્ષા (GJ-27, TE-1387)ને અહીં ત્યાં વધુ સ્પીડમાં લઈ જઈ રહ્યો છે. ઓટો રિક્ષાની પાછળની સીટ પર એક છોકરી અને એક છોકરો બેઠા છે. જેમાં છોકરી રિક્ષા પર લટકીને બેફામ સ્ટંટ કરતી હોય તેમ લાગે છે. જે ખૂબ જ ખતરનાક લાગે છે.આરોપીની ધરપકડ કર્યા બાદ પોલીસે તેની ઓટો પણ જપ્ત કરી લીધી હતી. ટ્રાફિક પોલીસે સ્ટંટમેન મોહમ્મદ અખલાક સામે IPC 279 અને મોટર વ્હીકલ એક્ટ 177, 184 હેઠળ કેસ નોંધ્યો છે. મોટર વાહન અધિનિયમ હેઠળ, તેનું ડ્રાઇવિંગ લાઇસન્સ જપ્ત કરવામાં આવ્યું હતું અને તેને રદ કરવા માટે અમદાવાદ આરટીઓને મોકલવામાં આવ્યું છે.

અમદાવાદ ટ્રાફિક પોલીસે લોકોને અપીલ કરી છે કે આવા સ્ટંટથી કોઈપણ વ્યક્તિનો જીવ પણ જઈ શકે છે. રસ્તાઓ પર આવા ખતરનાક સ્ટંટ ન કરો. જો કોઈ આવું કરતું જોવા મળશે તો તેની સામે કડક કાર્યવાહી કરવામાં આવશે.

જોકે આજકાલ સોશિયલ મીડિયામાં સ્ટંટના વીડિયો ખુબ વાયરલ થઈ રહ્યા છે. અને જેમાં પણ સુરત અને વડોદરા, રાજકોટ, અમદાવાદમાં વધુ સ્ટંટ માટે ફેમસ બનતું જઈ રહ્યું છે. જોકે સુરત પોલીસે આવા સ્ટંટબાજોને અટકાવવા માટે હેલ્પલાઈન નંબર પણ જાહેર કર્યો હતો, પરંતુ આવા સ્ટંટબાજોને પોલીસનો કોઈ ડર ન હોય તેવું લાગી રહ્યું છે.

Related Articles

LEAVE A REPLY

Please enter your comment!
Please enter your name here

Stay Connected

28,193FansLike
766FollowersFollow
291FollowersFollow
0SubscribersSubscribe
- Advertisement -[uam_ad id="387"]

Latest Articles