અમદાવાદ : અમદાવાદ શહેરમાં અવારનવાર લોકોના મોબાઈલ ફોન ચોરી થવાની તેમજ રસ્તે પસાર થતાં રાહદારીઓના હાથમાંથી મોબાઇલ સ્નેચિંગ કરી બાઈક ફરાર થઈ જવાની ફરિયાદો પોલીસ ચોપડે નોંધાઈ રહી છે ત્યારે આવી વધુ એક ઘટના અમદાવાદ શહેરમાં સામે આવી છે અમદાવાદના ગુલબાઈ ટેકરા વિસ્તારમાં એક મોબાઇલ સ્નેચિંગની ઘટના સામે આવી છે જેમાં એક વિધાર્થી રોડ પરથી પસાર થઇ રહ્યો હતો એક શખ્સ તેની પાછળથી આવે છે અને તરાપ મારીને મોબાઈલ ફોન ઝૂંટવીને ફરાર થઈ જાય છે.
પ્રાપ્ત વિગતો મુજબ અમદાવાદના ગુલબાઈ ટેકરા પાસે આવેલી ઈસ્કોન રેસિડેન્સીનો આ બનાવ છે. જેમાં મોબાઈલ સ્નેચિંગની ઘટના બની છે, એક બાઈક પર આવેલો શખ્સ ગણતરીની સેકન્ડમાં રોડ પરથી પસાર થતા વિદ્યાર્થીના હાથમાંથી મોબાઈલ ફોન તફડાવીને ફરાર થઈ જતો દેખાય છે. આ આખી ઘટના CCTVમાં કેદ થઈ ગઈ છે.વિદ્યાર્થી સાથે જ્યારે આ ઘટના બની ત્યારે આ વિસ્તારમાં તે એકલો જ ચાલીને જઈ રહ્યો હતો, જેનો લાભ ઉઠાવીને બાઈક પર આવેલો શખ્સ મોબાઈલ ઝૂટવીને ફરાર થઈ ગયો હતો.
બાઈક પર આવેલા શખ્સને જાણે પહેલેથી જ રેકી કરીને પ્લાન બનાવ્યો હોય તેવું આ વીડિયોમાં સ્પષ્ટ દેખાઈ રહ્યું છે. જેવો શખ્સ યુવકની નજીક પહોંચે છે કે તરફ બાઈક ધીમું પાડીને વિદ્યાર્થીના હાથમાંથી ફોન ઝૂંટવી લે છે. આ પછી ત્યાંથી યુવક બાઈકની સ્પીડ પ્લાન પ્રમાણે વધારીને ફરાર થઈ જાય છે. આ મામલે હવે તપાસ પણ શરુ કરવામાં આવી છે. આ ઘટના જે કેદ થઈ છે તે સિવાયના CCTVની મદદથી પણ આરોપીની ઝડપી પાડવા માટે પોલીસ દ્વારા કાર્યવાહી કરવામાં આવી શકે છે.