નવી દિલ્હી : ભારત સરકાર દ્વારા એક આદેશ જારી કરવામાં આવ્યો છે, જેમાં AI એપ્સ અને પ્લેટફોર્મ અંગે સરકારી કર્મચારીઓને જરૂરી પરિપત્ર જારી કરવામાં આવ્યો છે. મીડિયા રિપોર્ટ મુજબ, નાણા મંત્રાલય દ્વારા જારી કરવામાં આવેલા આદેશમાં સરકારી કર્મચારીઓને કહેવામાં આવ્યું હતું કે ઘણા કર્મચારીઓ ઓફિસ કોમ્પ્યુટર અને લેપટોપમાં AI એપ્સ (જેમ કે ChatGPT, DeepSeek વગેરે) નો ઉપયોગ કરી રહ્યા છે. જેના કારણે ભારત સરકારના ગોપનીય દસ્તાવેજો અને ડેટા પર મોટો ખતરો ઉભો થઈ શકે છે.
મીડિયા રિપોર્ટ મુજબ, AI એપ્સને લઈને જારી કરાયેલા પરિપત્રમાં કહેવામાં આવ્યું છે કે સરકારી કોમ્પ્યુટર, લેપટોપ અને ડિવાઈસમાં AI એપ્સ અને ટૂલ્સના ઉપયોગની અવગણના કરવી જોઈએ. જો કે, જો કર્મચારીઓ ઈચ્છે, તો તેઓ તેનો ઉપયોગ તેમના અંગત ઉપકરણો પર કરી શકે છે. આ નિર્ણય ડેટા અને ગોપનીયતાને પ્રાથમિકતા આપીને આપવામાં આવ્યો છે.
ભારતમાં ઘણી વિદેશી AI એપ્સ ઉપલબ્ધ છે, જેમાં ChatGPT, DeepSeek અને Google Gemini વગેરેનો સમાવેશ થાય છે. ભારતમાં ઘણા લોકો તેમના કામને સરળ બનાવવા માટે તેનો ઉપયોગ કરે છે. દરમિયાન AI એપ્સડિવાઇસમાં હાજર કેટલીક મહત્વપૂર્ણ પરમિશન ઍક્સેસ કરે છે. આમાં તે ડેટા અને ફાઇલોની ઍક્સેસ પણ માંગી શકે છે.
ચાઇનીઝ સ્માર્ટઅપ DeepSeek તાજેતરમાં લોકપ્રિયતા મેળવી છે અને આ સ્ટાર્ટઅપે તેની ઓછી કિંમતને કારણે ઉદ્યોગમાં હલચલ મચાવી છે. લગભગ 20 મહિના પહેલા શરૂ થયેલા આ સ્ટાર્ટઅપે AI ઉદ્યોગમાં હલચલ મચાવી દીધી છે. 20 જાન્યુઆરી, 2025ના રોજ DeepSeek R1 ChatBot અચાનક ખૂબ જ લો કપ્રિય બન્યું અને તેણે એઆઈ કંપનીઓ દ્વારા સ્થાપિત ઘણા અગાઉના રેકોર્ડ તોડી નાખ્યા હતા.
